OwoZalo akamesabi uKelly Khumalo
UMLINGISI onguConstable Biyela kuZalo noMinenhle kwiSitha The Enemy, uThabisile Zikhali, ungomunye wabathwele amathemba abantu bakuleli kumaShining Stars Africa Awards aseSandton Hotel eGoli, ngoMgqibelo ebusuku.
UThabisile odabuka KwaMashu, uthe uzizwa ebusisekile ngokuhlonishwa kwekhono lakhe nokusebenza ngokuzikhandla emqhudelwaneni obophele amaciko ase-Afrika namaphethelo.
"Kufana nokumbambathwa emahlombe. Ngijabule kakhulu ngokuqokwa kuma-awards."
UThabisile uqokwe emkhakheni we-Best Star Inspirational Woman of the Year, lapho eqhathwe khona nomculi uKelly Khumalo, umlingisi uNambitha Ben-Mazwi noTwiggy ekubeni emnxeni we-Best Star Actress of the Year etholene phezulu noNambitha Ben-Mazwi, Ziya Xulu noHloniphile Shlongonyane nabanye bakwamanye amazwe.
Yize kuminyene utshumo emaqoqweni kodwa uThabisile uthe akasabi noyedwa kwaqhathwe nabo futhi unesiqiniseko sokuthi ngeke abuyele eSinqawunqawini elambatha.
Kulo mcimbi kuzobe kunandisa oDeena Ade (Nigeria), Ntsetselelo Dlamini (Swatini), Jasper Boyz (USA), Subliminal Duo (South Africa), Kiddo Takeover (Zimbabwe) no-Ofentse Barbie (South Africa).
Ozobe ephethe uhlelo nguMfanele Nduku ngokubambisana noHelen Zulu, kanti kukhaphethi obomvu kuzobe kukanise uWish Bigboys noComfort Molefe.
Naba abanye abazobe bemele iNingizimu Afrika kumaShining Stars Africa Awards; ngoKelly Khumalo (Inspirational Woman, Music Video & Artist), Innocent Sadiki (Personality), Millicent (Social Media/TV Personality), Boity Thulo (Female Entrepreneur), Ofentse Barbie (Dance Group & Choreographer), Centtwinz (Best Star Podcast), Ziya Xulu (Best Star Actress), Magic Voice (Young Achiever & Artist), Senzo Radebe (Actor), Nonku Williams (Best Reality Show Star), Cyan Boujee (Best Upcoming Rising Star), Thandeka "Mawhoo" Ngema (Best Rising Star & Song Collaboration), Ronwen Williams (Sports Personality), Temba Bvuma (Sports Personality), Keketso Mpitso (Actor), Happy Simelane (Best Reality Show Star), Mandla N (Film Director), Lady Amar (Club DJ), Hamba Juba (Song), CiCi (Inspirational Woman).