URiky Rick ongasekho
Ukhuza ibuya umcimbi iCotton Fest owasungulwa ngumrepha ongasekho uRiky Rick.
Lo mcimbi uzoba se-Old Station, eNewtown, eGoli ngo-Ephreli 6.
Usuqhutshwa ngunkosikazi kaRiky uBianca Naidoo owazinikela ngokuqhubeka nomsebenzi womyeni wakhe.
Kusuke kunedili lomculo, kukhonjiswa ubuciko nokunye. Kuzobe kuneziteji ezintathu lapho kunandisa khona abaculi abehlukene kanti indikimba yanonyaka ithi #VoteCottonFest.
“Siyajabula ukumemezela esibambisene nabo abawubonayo umbono wethu okuyiNikNaks, Coke Studios, Vuse, Hunters, Klipdrift, Count Pushkin, 4th Street Wine, NBA, Jägermeister, Youth X by Nedbank neRed Bull.”
Amathikithi aseqalile ukudayisa eWebtickets nasePick n Pay aqala kuR200.
Lo mcimbi oqale eGoli, usundlondlobale waze wasingathwa nakwamanye amadolobha okuyiseKapa naseThekwini.