Siphokophele ukwenza izingane zaseNingizimu Afrika ukuthi zifunde izincwadi
EGOLI, ENINGIZIMU AFRIKA: INingizimu Afrika igubha uSuku Lokwazi Ukufunda Emhlabeni mhla ka-8 Septhemba kepha isimo sekhono lokufunda izincwadi ezweni asisihle.
Ngokwe-National Reading Barometer South Africa (yango-2023), amakhaya ezingane ezingaphansi kweminyaka eyishumi angamaphesenti angu-65 awanayo neyodwa incwadi enezithombe. I-Progress in International Reading Literacy Study (PIRLS) yango-2021 ekhishwe ngoMeyi yathola ukuthi abafundi baka-grade 4 abangamaphesenti angu-81 abakwazi ukufunda into bayiqonde.
Ungoti wezengqondo ogxile kwezemfundo uSeago Maapola uthe: “Nakuba isimo somnotho sineqhaza, kepha isizathu esikhulu wubunzima bokufunda. Uma kungalungiswa izindaba zemfundo, singabanethuba elingcono lokweseka abafundi bakithi ukuthi babenamathuba angcono okuthola umsebenzi uma sebebadala.”
I-Wimpy, inkampani yoqobo yaseNingizimu nethanda umndeni, iyakubona ukubaluleka kokukwazi ukufunda izingane zisencane nomphumela wakho ezinganeni ihlangene noMaapola ukufundisa ngobuhle bokwandisa izinga lokukwazi ukufunda.
Umphumela ngokwezemfundo, ngokwemizwa nokwasemphakathini kubafundi ekutheni babenezinga eliphansi lokukwazi ukufunda ungaba mkhulu, kusho uMaapola. “Laba bafundi baphatheka kabi, behlelwe wukuzethemba. Babanamahloni uma becelwa ukuthi bafunde ekilasini bese izinto bangazibuki kahle, okuphazamisa indlela abafunda ngayo. Indlela abenza ngayo ezifundweni zabo iyehla okubhebhezela ukwehla kwethemba lokuzethemba kwabo, balahlekelwe yithemba.
UMaapola ubona abafundi abangakwazi ukufunda kahle bethwala kanzima ngokubandlululeka nokuba nezinkinga zokuphila nabantu. “Umsebenzi wabo awuhambi kahle esikoleni ngoba banenkinga yokufunda, okusho ukuthi bazobanamathuba amancane okuthola umsebenzi uma sebekhulile; kuqhubeke kanjalo, kanjalo.
“Sinabafundi abangazethembi kangangokuthi bayakhathazeka babenexhala uma kufundwa, okungabanga ukuthi ngaphandle kokwesekwa kungaholela emiphumeleni eyisibhicongo.” UMaapola uthi abafundi abangakwazi ukufunda amagama kahle kwenye inkathi bahlushwa ngamabhoklolo “okubuye kubhebhezele ukukhathazeka kwabo nokuphelelwa yithemba”.
Ikhambi, uMaapola “aligcizelela kakhulu”, wukufundisa izingane ukufunda amagama zisencane. “Lokhu kubeka isisekelo sokuqala ukufunda okwenziwa esikoleni. Uma abafundi abaSesigabeni Senkulisa befundelwa izincwadi besebancane, bafunda ukubona izinhlamvu zamagama nokwandisa amagama abawaziyo nokuthuthukisa ikhono lokulalela.
UMaapola ugcizelela umphumela oshintsha impilo yomuntu ngokufundisa izingane izincwadi zisencane. “Bakhombise izincwadi, bafundele zona, funda nabo ukuze babengcono.”
“Uma abazali nababheki bezingane befundela izingane zabo, zicosha amagama, zifunda ukucabanga zicabange zijule. Abazali bangasebenzisa ubuso nezandla ukukhombisa eminye imizwa, bashintshe izwi ukugcizelela izinto ezithile. Lokhu kwenza ukuthi izingane zifunde ukuxhumana nabantu nokubona izimpawu.”
Ukufunda ndawonye emindenini ngelinye ithuba lokwazana nokuhlala ndawonye, ‘usho uMaapola.
“Singabazali, kudingeka sifunde, sifake uthando lokufunda ezinganeni. Azigcini ngokulalela esikushoyo kepha futhi zibuka esikwenzayo. Abazali abafundayo babanobudlelwano obuhle… wubumnandi bokufunda lobo. UMaapola uthi ubone imiphumela emangalisayo uma abazali befundela izingane zabo.
I-Wimpy, ezibophezele ekuhlomiseni izingqondo zezingane, iminyaka emithathu edlule ibinomkhankaso ngokubambisana nesitolo sobuchwepheshe ezincwadi i-Ethnikids esishicilela izincwadi zezingane ngezilimi zaseNingizimu Afrika nezinganekwane ezithandwa yizingane ezihlukene. I-Wimpy inezinhlelo zokusabalalisa le mikhankaso ehlukile ukugqugquzela isiko lokufunda ezingane ezweni.
U-Jodi Law, i-Brand Manager eWimpy, uthe le nkampani ikhuthaza imindeni ukuthi ibe ndawonye futhi ithatha izingane njengensika yomsebenzi ewenzayo.
“Sinenkundla lapho izingane zikwazi ukufunda khona kodwa kube kumnandi. Yindawo lapho izingane zizizwa zemukelekile khona, zinakwa futhi zibonwa. Ukufunda kusiza ingqondo yengane ikhule, kwenza ingane ikwazi ukubona izinto ngamehlo engqondo, kwenze ingane ikwazi ukufunda futhi iphumelele esikoleni.
Izincwadi zangonyaka odlule seziyatholakala ezinkundleni zokuxhumana ngobuchwepheshe. Izincwadi zalo nyaka ezintsha ezihunyushiwe zizotholakala ngasekupheleni kukaSepthemba ezinkundleni zokuxhumana kanti izincwadi ezintsha zesiNgisi zitholakala esitolo. https://wimpy.co.za/kids/ethnikids/